పండుగ కోసం నగరం నుంచి ప్రత్యేక రైళ్లు..

సంక్రాంతి రద్దీ నేపథ్యంలో నగరం నుంచి వివిధ ప్రాంతాలకు ప్రత్యేకరైళ్లను దక్షిణమధ్య రైల్వే ప్రకటించింది. లింగంపల్లి నుంచి మూడు సర్వీసులు కాకినాడకు, నర్సాపూర్‌ నుంచి సికింద్రాబాద్‌కు ఒక రైలు, సికింద్రాబాద్‌ నుంచి మరో అదనపు రైలు విజయవాడకు ప్రకటించారు. ఈ రైళ్లు ఆదివారం అందుబాటులో ఉంటాయని దక్షిణమధ్య రైల్వే తెలిపింది. ఈ మేరకు దక్షిణమధ్య రైల్వే సీపీఆర్‌వో రాకేశ్‌ ఒక ప్రకటన విడుదల చేశారు.